2016 жылы ЖІӨ-нің өсуі бұрын мақұлданған деңгейде қалады
«Әлемдік экономиканың ағымдағы жағдайын, тауар нарықтарындағы конъюнктураны және ағымдағы жыл басынан бері Қазақстан экономикасы салаларының даму қорытындыларын ескере отырып, 2016 жылға арналған макроэкономикалық көрсеткіштердің болжамы нақтыланды. Бұл ретте мұнайдың орташа жылдық бағасы бір барреліне 30 АҚШ долларынан 35 АҚШ долларына дейін өсті, металл бағаларының өзгеру индексі 2015 жылдың деңгейіне 15-тен 12,7 пайызға дейін төмендеді, АҚШ долларының орташа жылдық есептеу бағамы бір АҚШ долларына 360 теңге деңгейінде сақталады», - деді ҚР Ұлттық экономика министрі Қуандық Бишімбаев.
Оның айтуынша, сонымен қатар мұнай өндіру көлемі де болжамды 74 млн тоннадан 75,5 млн тоннаға дейін артпақ. Ағымдағы жылдың басынан бергі экономика салаларының даму серпінін және жаңартылған сценарийлік жағдайларды ескере отырып, 2016 жылы ЖІӨ-нің өсуі бұрын мақұлданған 0,5 пайыз деңгейінде қалады. Атаулы ЖІӨ 44 354,0 млрд. теңге көлемінде болжанып отыр, бұл ақпанайында мақұлданған көрсеткіштен 187,5 млрд теңгеге артық. Халықтың жанбасына шаққандағы ЖІӨ-сі 6,9 мың АҚШ долларын құрайды.
«2016 жылы ауыл шаруашылығының жалпы өнімі көлемінің өсуі 3,6% деңгейінде күтілуде. Кен өндіру өнеркәсібінде өндірістің 3,4 пайызға қысқаруы салдарынан, 2016 жылы өнеркәсіп 1,7 пайызға төмендейді. Саудада 3,5 пайызға төмендеу болжануда, бұл ретте көлік пен қоймалауда көрсетілетін қызметтер 4,0 пайызға өседі», - деді Қ.Бишімбаев.
Тұтастай алғанда, 2016 жылы республикалық бюджеттің шығыстарын Ұлттық қордан берілетін кепілдендірілген және нысаналы трансферттерінің мөлшерін түзетуді ескере отырып, 8 трлн. 646,7 теңге көлемінде белгілеу ұсынылды. Олбекітілген көлемнен 379,9 млрд. теңгеге артық.