Бұл туралы бүгін Астанада «Қолжетімді баспана-2020» бағдарламасының жобаларын талқылау бойынша өткен «дөңгелек үстел» барысында ҚР Премьер-Министрінің бірінші орынбасары Серік Ахметов мәлім етті.
«Бұл бағдарлама, оның жүйелі түрде орындалуында 2015 жылға қарай құрылыстың көлемін жалпы алғанда 7,2 млн. шаршы метрге дейін арттыруға мүмкіндік береді ден санаймыз. 2020 жылға қарай тұрғын үйдің көлемі жылына 10 млн. шаршы метрге дейін артады», - деді ол.
Дегенмен, Серік Ахметов атап өткендей, технологиялық серпіліссіз Қазақстанның бұл мақсаттарға жетуі қиын болады. «Өйткені тұрғын үй құрылысының тәжірибесі көрсеткендей, біз қазіргі заманғы жаңа технологиясыз тез арада және сапалы үйлерді сала алмаймыз».