2024 жылы Алматыдан қала маңына 30 жаңа қоғамдық көлік қатынайтын болады
Спикердың айтуынша, бүгінде тек 150 кентте ғана қала маңына қатынайтын 22 автобус бар. Негізгі қажеттілік – 50 автобус.
«Алматы қаласының бюджеті қала маңына баратын автобустарды субсидиямен 100% қамтуда. Мысалы, ол үшін 2021 жылы 10 млрд теңге, 2022 жылы 11 млрд теңге бөлінді. Жоспарда бар жаңа бағыттарды ескерсек, алдағы уақытта субсидиялар көлемі өседі. Өткен айда біз Алматы облысымен қала маңындағы бағыттарды бірлесе субсидиялау туралы келіссөздер жүргізе бастадық. Алматы қаласы әкімдігі облысқа жеке тасымалдаушылар шығындарының жартысын жабуға ұсынды. Қазір келіссөздер жалғасуда», - деді Асқар Амрин.
Ол 2024 жылға қарай халықтың жайлылығы үшін 30 жаңа магистральдық қала маңы маршруттары іске қосылатынын айтты.
«Нәтижесінде қоғамдық көліктің қол жетімділігі жақсара түседі. Сондай-ақ, қала маңындағы маршруттар қаланың бірыңғай тарифіне біріктірілетін болады. Сондай-ақ, қала маңында автобусқа отырған кезде қалаға дейін жол жүру ақысын төлеуге және қалаішілік маршрутқа ауысып отырған кезде билеттің толық құнын қайта төлемеуге мүмкіндік беретін аймақтық тарифті енгізу жоспарлануда», - деді спикер.