Бұл туралы бүгін Орталық коммуникациялар қызметінде өткен баспасөз мәслиxатында ҚР Энергетика министрлігі газ өнеркәсібін дамыту департаментінің басшысы Ғалым Нұрғазиев мәлім етті.
"Бас сызбада мынадай көрсеткіштер межеленген: 2030 жылға дейін Қазақстанда газбен қамту деңгейі 7 миллионнан 10 миллион адамға жетеді. Республиканың 1600 елді мекені газбен қамтылады деп күтілуде. Қаражат бюджет есебінен және газ саласының ұлттық операторы "ҚазТрансГаз" АҚ есебінен бөлінетін болады", - деп атап өтті ол.
Оның сөзіне қарағанда, 2006 жылдан бері аумақтарды газдандыру бойынша 99 миллиард теңгеге 130 жоба іске асырылды. Нәтижесінде газбен қамтылған елді мекен саны 730-дан 1200-ге жетті. Ал үйлерінде көгілдір отыны бар тұрғындар саны 2 миллионға артып, 7 миллион болды.