Жиында сөз сөйлеген БҰҰ Елді мекендер бойынша бағдарламасының басшысы Маймунах Мохт Шариф жуықта жасалған зерттеулер тұрақты урбанизация ғаламдық жылыну мен кедейшілік сияқты мәселелерді шешудің маңызды құралы екендігін айтты.
Қазірдің өзінде жер бетіндегі адамзат атаулының жартысы қалаларда тұрады екен. 2050 жылға қарай олардың саны 6,3 миллиардқа жетпек. Қазір адамдар ең көп орналасқан қала Токио, мұнда 37,2 млн адам өмір сүреді. Одан кейін Дели қаласы - 22,7 млн, Мехико мен Нью-Йорктің 20,4 млн тұрғыны бар.
Форумның күн тәртібінде 2030 жылға дейінгі даму жоспарлары қаралды. Алға қойылған 17 мақсаттың бірінде қалалалардың қауіпсіздігі мен беріктігін күшейту туралы айтылады.