АСТАНА. 20 қаңтар. ҚазАқпарат - Қазақстанның аумақтық саясаты саласында 2050 жылға қарай қала халқының үлесі 70 пайызға жетуі тиіс. Бұл туралы бүгін Қазақстанның Орталық коммуникациялар қызметінде өткен брифингте ҚР Өңірлік даму министрі Болат Жәмішев мәлім етті.
«Қазақстанның аумақтық саясаты саласында 2050 жылға қарай қала халқының үлесін 70 пайызға, яғни, Австралия, Канада сынды географиялық сипаттамалары ұқсас дамыған мемлекеттердің деңгейіне дейін ұлғайту қажет», - деді Б.Жәмішев.
Бұл ретте министрдің атап өтуінше, ел халқының 35 пайыздан астамы халық саны 2 миллионнан асатын қалаларда тұруы тиіс.
«Урбанизация Қазақстан үшін жаңа мүмкіндіктер ашады», - деді ол.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.