22 қаңтарда қазақстанның көптеген бөлігінде ауа райының тұрақсыз сипаты күтіледі

АСТАНА. 21 қаңтар. ҚазАқпарат - Қазақстан аумағының көптеген бөлігі фронтальдық бөліктердің ықпалында болып, онымен бірге ауа райының тұрақсыз сипаты күтіледі - жауын-шашын жауып, бұрқасын болады, жел күшейіп, жекелеген аудандардың кейбір жерлерінде тұман, көктайғақ болады.

Алматы облысының кейбір жерлерінде тұман түсіп, Жалаңашкөл ауданында желдің 15-20 м/с дейін күшеюі ықтимал.

Шығыс Қазақстан, Қарағанды облыстарының кейбір жерлерінде бұрқасын болады, желдің күші 15-20 м/с-қа дейін өседі. Күндіз Ақмола, Павлодар, Солтүстік Қазақстан облыстарында бұрқасын болып, желдің күші секундына 15-20 м/с-қа дейін, жел екпіні - 25 м/с-қа дейін жетеді.

Жамбыл, Оңтүстік Қазақстан, Қызылорда, Атырау облыстарының кейбір жерлерінде тұман түсіп, көктайғақ болады, желдің күші 15-20 м/с дейін жетеді, күндіз Атырау облысының кейбір жерлерінде желдің күші 15-20 м/с-қа дейін жетеді.

Маңғыстау облысының кейбір жерлерінде тұман түседі.

Батыс Қазақстан облысының кейбір жерлерінде тұман түсіп, көктайғақ болады.

Қостанай, Ақтөбе облыстарының кейбір жерлерінде тұман түсіп, көктайғақ, бұрқасын болады, күндіз жел 15-20 м/с-қа дейін күшейеді, Қостанай облысында жел екпіні 25 м/с-қа дейін жетеді.