22 маусым мен 8 шілде аралығында Астананың Тәуелсіздік даңғылы бойындағы бөлігінде қозғалыс шектеледі

АСТАНА. 22 маусым. ҚазАқпарат - Биылғы 22 маусым мен 8 шілде аралығында «Қазақ елі» монументінің алдындағы алаңда Астана күнін мерекелеу аясындағы іс-шаралардың өткізілуіне байланысты Тәуелсіздік даңғылының Нәжімеденов пен Байтұрсынов көшелері арасындағы бөлігінде көлік қозғалыс шектеледі.

Астана әкімдігінің мәліметінше, «Қазақ елі» алаңы айналасындағы қозғалыс Нәжімеденов көшесі арқылы Обаған (39 көше) көшесіне, одан әрі қарай Байтұрсынов көшесіне шығу арқылы жүргізіледі.