АСТАНА. KAZINFORM - Чанаккале округіндегі Калким қаласында тәуелсіз үміткер Зейнеп Челик сайлауда жеңіске жетіп, қала мэрі болды. Осылайша Челик Түркияның ең жас әйел мэрі атағына ие болды, деп хабарлайды Trthaber.
Енисенің әйгілі кәсіпкерлерінің бірі Мехмет Челиктің қызы 22 жастағы Зейнеп Челик жергілікті билік сайлауына тәуелсіз кондидат ретінде қатысты.
Бейресми нәтижелерге сәйкес, сайлауда жеңіске жеткен Зейнеп Челик Калким қаласының мэрі болды.
«Бірлескен күш-жігеріміз және дұғаларымызбен бастаған осы қызмет сапарында қолдау көрсеткеніңіз үшін алғыс айтқым келеді. Калкимге абыройлы қызмет етіп, алдағы 5 жылда халқымызды күн сайын бағалай білуге міндеттімін. Бұл жетістік бәріміздікі», - деді Зейнеп Челик.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы