24 сәуірге арналған ауа райы болжамы

АСТАНА. ҚазАқпарат - Қазақстанның басым бөлігі ауқымды антициклонның ықпалында болады. Күн ашық, бірақ жел күшейіп, кейбір аумақтарда шаң көтеріледі.

Республиканың батысында және шығыс-батыста ауа ағынының әсерінен кей жерлерде жаңбыр жауады, деп хабарлайды «Қазгидромет».

Ақмола, Жамбыл, Оңтүстік Қазақстан, Қызылорда, ал күндіз Алматы, Атырау, Батыс Қазақстан, Ақтөбе Павлодар облыстарында кей жерлерде жел күшейіп, 15-20 м/с. жел тұрады, ал Оңтүстік Қазақстан облысында оның жылдамдығы 25 м/с.қа дейін жетеді. Шығыс Қазақстан облысында - тұман. Қостанай, Солтүстік Қазақстан, Қарағанды облыстарында секундына 15 20 метр жылдамдықпен жел соғады.