Бүгін ел аумағында тұман түсіп, жел күшейеді
07:25, 27 Қараша 2023
«Қазгидромет» РМК ел аумағында 27 қарашада болатын қауіпті метеорологиялық құбылыстарға болжам жасады, деп хабарлайды Kazinform.
Синоптиктердің болжамынша, Қазақстанның батысында, солтүстік-батысында атмосфералық фронттардың өтуіне байланысты тұрақсыз ауа райы күтіледі.
«Жауын-шашын (жаңбыр, қар түрінде) жауады. Қалған аудандарда жауын-шашынсыз ауа райы сақталады.
Қазақстан бойынша тұман болып, жел күшейеді, еліміздің солтүстік-батысы мен солтүстігінде көктайғақ болады», — деп жазды ведомстводан.