ЕСІМДЕР
68 жыл бұрын (1958) журналист, жазушы, ТМД журналистер конфедерациясы сыйлығының лауреаты, ҚР Президенті грантының иегері, Қазақстанның еңбек сіңірген қайраткері Қайнар Қалиақпарұлы ОЛЖАЙ дүниеге келді.
Шығыс Қазақстан облысы Тарбағатай ауданында туған. Қазақ мемлекеттік университетінің (қазіргі әл Фараби атындағы Қазақ Ұлттық университеті) журналистика факультетін бітірген.
Еңбек жолын «Лениншіл жас» (қазіргі «Жас алаш») газетінде корректор, тілші, аға тілші, Орталық Қазақстан бойынша арнаулы тілші болып бастаған. Кейіннен «Социалистік Қазақстан» газетінде (қазіргі «Егемен Қазақстан») бөлім басшысы, «Атамұра» газеті редакторының орынбасары, «Бірлік» газетінің бас редакторы, «Түркістан» газеті бас редакторының орынбасары (1993-1997); «Хабар-2» телеарнасында комментатор, жаңалықтар бөлімі дирекциясы басшысының орынбасары, «Хабар» агенттігі» АҚ бас продюсері болды. 2006 жылдан бері «Қазақстан» РТРК АҚ Бас продюсері, Басқарма төрағасының шығармашылық жөніндегі орынбасары, «Қазақстан» Ұлттық арнасының бас директоры қызметтерін атқарды.
«Мың бір мақал», «Деген екен», «Солай болған», «Тіл», «Сөзмерген», «Ілік септігі», «Келбет» т. б. бағдарламалардың, 15 сериялы тарихи-деректі «Бірінші» телефильмінің авторы. 1994 жылы «Президент пырағы», 2007 жылы «Қара нары қазақтың», 2008 жылы «Атамыз Аласанбай», 2010 жылы «Қанат байлаған қазақ» кітаптары жарыққа шықты.
57 жыл бұрын (1969) Экология және табиғи ресурстар вице-министрі Жомарт Шияпұлы ӘЛИЕВ дүниеге келді.
Ленин атындағы Қазақ политехникалық институтын (1993) тау-кен инженері мамандығы бойынша; Париж тау-кен мектебін (Франция) тау-кен өнеркәсібіндегі мемлекеттік басқару мамандығы бойынша (2003) және А. Мырзахметов атындағы Көкшетау университетін (2007) заңгер мамандығы бойынша бітірген.
Еңбек жолы: Көкшетау облысындағы Красноярск кеңшарында жұмысшы (1985-1993); Көкшетау қаласындағы ашық шахтада бригадир (1993-1999); Қазақстан Республикасы Табиғи ресурстар және қоршаған ортаны қорғау министрлігі жүйесінде жұмыс істеді (1999-2002); Қазақстан Республикасы Энергетика және минералды ресурстар министрлігі Геология және жер қойнауын қорғау комитетінің Павлодар аймақтық жер қойнауын қорғау және пайдалану инспекциясының басшысы (2002-2005); ҚР Қоршаған ортаны қорғау министрлігінің Қоршаған ортаны реттеу және бақылау комитеті жүйесінде жұмыс істеді, Мемлекеттік экологиялық бақылау департаменті басшысының орынбасары, кейіннен бастығы қызметтерін атқарды (2005-2010); ҚР Мұнай және газ министрлігінің Мұнай-газ кешенін мемлекеттік инспекциялау комитетінің бас сарапшысы (2010-2012); ҚР Қоршаған ортаны қорғау министрлігінің Қоршаған ортаны реттеу және бақылау комитеті төрағасының орынбасары, ҚР Экология, геология және табиғи ресурстар министрлігі (2012-2023); ҚР Экология және табиғи ресурстар министрлігінің Қоршаған ортаны реттеу және бақылау комитетінің төрағасы (2023-2024).
2024 жылдың ақпан айынан бастап қазіргі қызметінде.
«Құрмет» орденімен марапатталған (2024).
54 жыл бұрын (1972) Қазақстан Республикасы Ұлттық гвардия академиясының бастығы Артур Қалиақпарұлы ТОҚЫШЕВ дүниеге келді.
Санкт-Петербургте (РФ) туған. КСРО ІІМ Комсомолдың 60 жылдығы атындағы Жоғары саяси училищесін педагогика және тәрбие жұмысының әдістемесі мамандығы бойынша бітірген (1993); Қазақстан Республикасы Қарулы Күштерінің Әскери академиясы, мамандығы — командалық-штабтық жедел-тактикалық (2001).
Еңбек жолы: патрульдік рота командирінің орынбасары — штаб бастығы — әскери бөлім командирінің орынбасары (1993-2003); 5513, 7552, 6654 әскери бөлімдерінің командирі (2003-2012); Ұлттық қорғаныс университетінің «Жедел өнер және тактика» кафедрасының аға оқытушысы (2012-2013); Қазақстан Республикасы Ішкі істер министрлігі Ішкі әскерлер Бас қолбасшылығы Бас штабы Бас жедел басқармасы бастығының орынбасары (2013-2014); Ұлттық ұлан Жоғарғы қолбасшылығы Бас штабы бастығының бірінші орынбасары (2014-2020).
2022 жылдың тамыз айынан бастап қазіргі қызметінде.
47 жыл бұрын (1979) «Allur Group» компаниялар тобы» АҚ директорлар кеңесінің төрағасы Андрей Сергеевич ЛАВРЕНТЬЕВ дүниеге келді.
Алматы қаласында туған. Алматы қаласындағы «Әділет» жоғары заң мектебін «құқықтану» мамандығы бойынша бітірген.
Жұмыс орны: AllurAuto компаниясының құрылтайшыларының бірі және акционері (2003); «Allur» компаниялар тобы» АҚ Директорлар кеңесінің төрағасы (2015); «АгромашХолдинг KZ» АҚ директорлар кеңесінің төрағасы (2017).
2023 жылдың желтоқсан айынан бері қазіргі қызметінде.
40 жыл бұрын (1986) қазақ опера әншісі (баритон), Қазақстан Республикасының еңбек сіңірген қайраткері Азамат Қайратұлы ЖЫЛТЫРГӨЗОВ дүниеге келді.
Талдықорған қаласында туған. Қазақ ұлттық музыка академиясын бітірген (2009 ж.), Опера әншісі, концерт орындаушысы.
Еңбек жолы: 2006 жылдан бастап Астана қаласының Мемлекеттік филармониясының солисті; 2007 жылдан бастап К. Байсейітова атындағы Ұлттық опера және балет театрының опера әншісі; Қазақ ұлттық өнер университетінің «Вокал өнері және хор дирижерлеу» кафедрасының меңгерушісі.
Опералық рөлдері (партиялар): Онегин (П. И. Чайковский, Евгений Онегин), Роберто (П. И. Чайковский, «Иоланта»), Геронт (Г. Верди, «Леви Traviata»). Ол Ресей, Беларусь, Қытай, Жапония, Польша, Оңтүстік Корея, Сауд Арабиясы, Біріккен Араб Әмірліктері, Иордания, Швейцария, Австрия, АҚШ, Моңғолия елдерінің концерттерімен гастрольдік сапарларға шықты. «Шабыт» IX Халықаралық байқауының 1-орын иегері (Астана, 2006 ж.), «Жас таланттар» ХХІІІ Халықаралық байқауының 1 орын иегері (Сан-Бартоломео, 2008), VII Халықаралық орындаушылар байқауының 2-ші орын жүлдегері, Н. Сәбитов атындағы VI халықаралық вокалистер байқауының 4-ші орын жүлдегері (Уфа, 2008). ТМД-ға мүше мемлекеттердің IV халықаралық Дельфий ойындарының алтын медаль иегері (Астана, 2006), С. Монюшко атындағы VI Халықаралық вокалистер байқауының арнайы жүлдесін (Варшава, 2007 ж.) алған.