Бұл туралы Қазгидрометке сілтеме жасап, ҚР ТЖМ баспасөз қызметінен хабарлады.
Еліміздің батыс аймағында жауын-шашын болмайды.
Алматы, Жамбыл, Оңтүстік Қазақстан облыстарында, күндіз Шығыс Қазақстан облысының кей аймақтарында секундына 15-20 метрге дейін жететін жел соғады, күндіз кей жерлерде бұршақ жаууы мүмкін.
Ақмола, Қарағанды, күндіз Атырау, Батыс Қазақстан, Қостанай, Солтүстік Қазақстан, Павлодар облыстарында жел 15-20 м/с-қа дейін күшейеді. Батыс Қазақстан облысында шаң аралас дауыл тұрады.
Маңғыстау, Атырау, Батыс Қазақстан облыстарында кей жерлерде аптап ыстық болады деп күтілуде.
Республиканың солтүстік-батысында, оңтүстігінде және орталығында төтенше жоғары өрт қаупі сақталады.