Онда британдық министрлердің жалақысы, акциялары, меншігіндегі дүниелері жан-жақты тізімге алынған, деп жазады «Айқын» басылымы.
Премьер-министр Дэвид Кэмерон бай министрдің қатарында сегізінші орында тұр. Сарапшылар оның активтерін 3,8 миллион фунт стерлингке бағалады. Ал әйелі екеуінің табысын қосқанда байлығы 25 миллион фунттан асуы мүмкін көрінеді. Алайда Кэмерон мырзаның баспасөз хатшысы бұл деректерді жоққа шығарып, отбасында екі үй ғана бар деген мәліметті келтірді.
Британ үкіметіндегі қалталы шенеуніктің бірі - лордтар Палатасының жетекшісі Стратклайд. Бұл кісінің есепшотында 9,5 миллион фунт қаражат бар. Екінші орында қорғаныс министрі Филипп Хэммонд 8,2 миллион фунт. Үшінші орында мәдениет, баспасөз және спорт министрі Джереми Хант және сыртқы істер министрлігінің басшысы Уильям Хейг тұр. Олардың байлығы әрқайсысынікі 4,8 миллион фунтты құрайды.