ШҚО құрылыс, энергетика және тұрғын үй-коммуналдық шаруашылық басқармасының мәліметіне сүйенсек, бүгінде Риддердегі жылу электр орталығында жөндеу жұмыстары кестеге сәйкес жүргізілуде.
«Өткен аптада ЖЭО-да №2 қазандық іске қосылды. Осылайша, орталықта барлығы 3 қазандық жұмыс істеп тұр. Бұл қаланы жылумен толық қамтамасыз етуге жеткілікті. Сондай-ақ жоғары қысымды қазандықтарды қосу бойынша техникалық жұмыстар жүргізіліп жатыр. Олар 15 қарашаға дейін іске қосылмақ», - дейді басқарма басшысының орынбасары Нұрлан Рамазанов.
Оның айтуынша, жылу электр орталығындағы мердiгер ұйымдардың жұмысы күн сайын қадағалануда.
Бүгінде ЖЭО 11 мың тоннадан астам көмірмен және 120 тонна мазутпен қамтамасыз етілген.