Олардың арасында қалааралық және облысаралық жолаушы тасымалдайтын тұрақты қатынап жүрген автобустар бар, деп хабарлады Көлік және коммуникация министрлігінің баспасөз қызметі.
ҚР ККМ-нің Көліктік бақылау органдарының тексерістерінің қорытындылары бойынша 2013 жылдың басынан бері жолаушылар тасымалымен шұғылданатын 2372 тасымалдаушы әкімшілік жауапкершілікке тартылды. Атап айтқанда компаниялар жүргізушілердің еңбек және тынығу ережелерін бұзған, жүргізушілерді рейс алдындағы медициналық тексерістен және автокөлік құралдарын техникалық байқаудан өткізбеген, сонымен бірге жолаушылар мен багажды тасымалдау ережелерін бұзуға жол берген.
Мұның сыртында, көліктік бақылау бекеттерінің қызметкерлері биылғы жылдың басынан бері шетелдік тасымалдаушылар тарапынан жіберілген 2075 ереже бұзушылығын анықтаған. Бүгінгі күнге көліктік бақылау бекеттері рұқсат беру жүйесі талаптарын орындамаған 35 шетелдік тасымалдаушыларды ұстаған. Олардың арасында беларуссиялық 8, түркиялық 5, тағы басқа тасымалдаушылардың жолдары кесілген.
Жалпы, шетелдіктерге рұқсат ету құжаттары халықаралық келісімдер негізінде беріледі. Әрбір мемлекет әріптес елге өз аумағы арқылы жүк тасымалдауға құқық беретін белгілі бір мөлшерде квота бөліп отырады. Ал квота алмағандардың шет мемлекеттерде жүк тасымалдауға құқығы жоқ. Бұл шаралар әр мемлекеттің өз ішінде отандық тасымалдаушыларды қолдап отыруға бағытталған.