АСТАНА. ҚазАқпарат - Елімізде ауа райының қолайсыздығына және бірқатар автомобиль жолдарының жабылуына орай жолаушыларды діттеген жеріне жеткізу үшін қосымша вагондар бөлінді. Бұл туралы «Жолаушылар тасымалы» компаниясынан мәлім етті, деп хабарлайды ҚазАқпарат.
Мәселен, өткен демалыс күндері ұлттық тасымалдаушы темір жолдың барлық учаскелері арқылы жүретін пойыздарға қосымша 60-тан астам вагон тіркеді. Бұл 3200-ден астам жолаушыны діттеген жеріне дер уақытында жеткізуге мүмкіндік берді.
Айта кетерлігі, ауа райының қолайсыздығына байланысты «Қазақстан темір жолы» ҰК» АҚ-ның құрылымдық бөлімшелері мен еншілес кәсіпорындары күшейтілген режімде жұмыс істеуде.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.