АСТАНА. 22 қараша. ҚазАқпарат - Тұңғыш Президент Күнін мерекелеу аясында адвокаттық қоғамдастық кең ауқымдағы акцияны өткізуге ниетті. Осы орайда олар Ашық есік күнін өткізбек, деп хабарлайды Республикалық адвокаттар алқасының баспасөз қызметі.
«Қазақстан бойынша 4 мыңға жуық кәсіби қорғаушылар мамандандырылған заңгерлік көмекке мұқтаж азаматтарға ақысыз кеңес беруге дайын»,-делінген бұл мәліметтерде.
Аталған адвокаттар алқасы ұйымдастырып отырған шара 30 қарашада өткізілмек. Осы күні барша Қазақстан бойынша адвокаттық контораларда, заңгерлік кеңестерде, оның ішінде ауылдық жерлердегі осындай мекемелерде сағат 09:00-18:00 аралығында кез келген адам кеңес алуға келе алады екен.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.