Бұл туралы astana.kz сайтына Астана қаласының Денсаулық сақтау басқармасының Инновациялық технологиялар, мониторинг және талдау бөлімінен хабарлады.
«Бұл жаңалық медициналық қызмет көрсету сапасын жақсарту және емханадағы кезекті қысқарту мақсатында жасалып отыр», - дейді басқармадан.
Келушілерге 35 отыратын орын дайындалған. Тіркеу орнында 5 терезе жұмыс істейді. Олардың 1-і - анықтама қызметі және 4 терезе - мамандар мен диагностикалық зерттеулерге жазылуға арналған.
№5 Қалалық емханада заманауи диагностикалық аппаратура, жаңа клиникалық зертхана, есептегіш және деректермен алмасу компьютер жүйесі бар. Мұның бәрі барынша сапалы қызмет көрсетуге мүмкіндік береді.
Денсаулық сақтау басқармасы хабарлағанындай, «№5 Қалалық емхана» МКҚК Астанадағы электрондық кезек жүйесі іске қосылған жалғыз медициналық мекеме. Алайда, бұл жүйе таяу уақытта қаланың барлық емханаларында жұмыс істейтін болады.