5 қараша. Тұлғалар туған күн

ЕСІМДЕР

62 жыл бұрын (1960) Қазақстан Республикасы Парламенті Сенатының депутаты, Экономикалық саясат, инновациялық даму және кәсіпкерлік комитетінің мүшесі Сағындық Есенғалиұлы ЛҰҚПАНОВ дүниеге келді.

Атырау облысында туған. Гурьев темір жол техникумын «техник-электрик» (1983); Қазақ мемлекеттік басқару академиясы жанындағы Алматы нарық институтын «экономика және менеджмент» (1996) мамандығы бойынша бітірген.

Еңбек жолы: Маңғышлақ сигнал беру және байланыс дистанциясының электромонтері, электромеханигі, аға инженері, СОБ өндірістік учаскесінің басшысы, СОБ қашықтығының Мангышлақ сигнал беру және байланыс дистанциясы басшысының орынбасары (1983-1989); Гурьев сигнал беру және байланыс дистанциясының басшысы (1991-1999); Ақжайық сигнал беру және байланыс бас дистанциясының директоры (1999-2002); «Қазақстан темір жолы» ұлттық компаниясы» АҚ филиалының директоры – «Атырау магистральдық желі бөлімшесі» (2002-2007); «Қазақстан темір жолы» ұлттық компаниясы» АҚ – «Магистральдық желі дирекциясы» филиалының бас инженері (01.2007-12.2007); «Атырау облысы «Каспий» әлеуметтік-кәсіпкерлік корпорациясы» Ұлттық компаниясы» АҚ өкілдігінің директоры (2007-2010); «Каспий» әлеуметтік-кәсіпкерлік корпорациясы» ұлттық компаниясы» АҚ өкілдігі төрағасының орынбасары (04.2010-05.2010); «Атырау» әлеуметтік-кәсіпкерлік корпорациясы» Ұлттық компаниясы» АҚ басқарма төрағасы (01.2007-12.2007); Атырау облыстық мәслихатының V және VI шақырылымдарының хатшысы (2012-2017); Атырау облысы әкімінің бірінші орынбасары (2017-2018); «KPI Inc» ЖШС басқарушы директоры (2018 жылдан бастап) болды.

Қазіргі атқаратын лауазымында 2020 жылғы тамыздан бастап.

«Құрмет» орденімен, «Құрметті теміржолшы» белгісімен марапатталған.

58 жыл бұрын (1964) Қазақстан кинематографшылар одағының мүшесі, Қазақстанның халық әртісі, актриса Гүлнар Абдуллақызы ДОСМАТОВА дүниеге келді.

Алматы қаласында туған. Әл-Фараби атындағы Қазақ ұлттық университетін бітірген. 1985 жылдан «Қазақфильм» киностудиясының актрисасы. Кинодағы алғашқы елеулі рөлі – «Даладағы қуғын» фильміндегі Әйгерім. 20-дан астам фильмге түскен. Оның ішінде «Жеңімпаз», «Мерекенің үш күні», «Кардиограмма», «Адам тағдыры», отандық телесериал «Тоғысқан тағдырлар» және басқалары бар.

«Адам тағдыры» фильміндегі рөлі үшін 1985 жылы Минскіде (Беларусь) өткен Бүкілодақтық кинофестивальда «Ең үздік әйел бейнесі» жүлдесін иеленген.

2000 жылы «Жыл таңдауы» байқауында «Жылдың үздік актрисасы» атанды.

50 жыл бұрын (1972) Қазақстан Республикасының мемлекеттік қайраткері Болат Серікұлы ЖҰМАБЕКОВ дүниеге келді.

Көкшетау облысында туған. Ақмола ауыл шаруашылығы институтын, М. Қозыбаев атындағы Солтүстік Қазақстан мемлекеттік университетін бітірген.

Еңбек жолын СҚО Тимирязев ауданында шаруа қожалығының агрономы болып бастады. 1999-2007 жылдары – аудандық жер ресурстарын басқару аудандық комитетінің төрағасы, аудандық ауыл шаруашылығы бөлімінің бастығы. 2007-2009 жылдары – СҚО Тимирязев ауданының әкімі. 2009-2011 жылдары – СҚО әкімі аппаратының жетекшісі. 2011-2012 жылдары – Солтүстік Қазақстан облысы әкімінің орынбасары. 2012-2013 жылдары – Петропавл қаласының әкімі. 2014 жылғы ақпан-тамыз айларында – «JELS-ASTANA» ЖШС коммерциялық директоры. 2014-2018 жылдары – СҚО Қызылжар ауданының әкімі; Солтүстік Қазақстан облысы Ғабит Мүсірепов ауданының әкімі (2018-2019). 2019-2022 жылдары – Петропавл қаласының әкімі.