61 жасар Петропавл тұрғыны өз үйін «жарып» жібермек болды
Петропавл ІІБ жедел басқару орталығына Бейбітшілік көшесінде орналасқан пәтерлердің біріндегі кәріз жүйесіне бомба қойылғаны туралы хабар түсті.
Оқиға орнына полицейлер, дәрігерлер және өзге де төтенше қызмет өклдері келді. Тексеру барысында пәтерден ешқандай бомба табылмады. Пәтер иесі, 61 жастағы ер адам не себепті қоңырау шалғанын түсіндіріп бере алмады.
Қазіргі уақытта аталған факті негізінде ҚР ҚК 273-бабы бойынша сотқа дейінгі тергеу шаралары жүргізілуде. Бұл бапта алты жылға дейін бас бостандығынан айыру жазасы қарастырылған.
«Жыл басынан бері бұл облыс бойынша лаңкестік туралы жалған хабар берудің алғашқы фактісі. Полиция жалған хабар берушілердің орналасқан орнын табу үшін бар күшін салуда және техникалық мүмкіндіктерін қолдануда», - деп атап өтті экстремизммен күрес бөлімінің басшысы, полиция майоры.