ОРАЛ. ҚазАқпарат - 22 қазан күні сағат 16.40-та Зеленов ауданы Трекин ауылының тұрғыны Приурал полиция бөліміне өз үйіне бомба қойылғаны жөнінде хабар берген.
БҚО ішкі істер департаменті баспасөз қызметінен түскен мәліметке қарағанда, аудандық ішкі істер бөлімінің жедел тергеу тобы мен департаменттің экстремизмге қарсы күрес басқармасының қызметкерлері қауіпсіздік шараларын қолдана отырып, автокөлік жолын жапқан. Оған қоса алты үйден отыз шақты адамды көшірген.
Көп ұзамай жалған қоңырау шалған осы ауылдың 75 жасар тұрғыны анықталып, ұсталды. Қазіргі кезде тергеу амалдары жүргізілуде.
Айта кетейік, лаңкестік актісі туралы жалған хабарлама бергені үшін жаза биылдан бастап қатаңдатылғаны белгілі. Енді мұндай қадамға барғандар ҚР ҚК 273-бабына сәйкес 6 жылға дейін бас бостандығынан айырылады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).