8 мамырда Қазақстанның көптеген облыстары антициклон ықпалында болады

АСТАНА. 7 мамыр. ҚазАқпарат - 8 мамыр күні Қазақстанның көптеген облыстары жауын-шашынсыз ауа райы күтілетін антициклон ықпалында болады, деп хабарлайды Қазгидрометке сілтеме жасаған ҚР ТЖМ-нің баспасөз қызметінен.

Жамбыл, Оңтүстік Қазақстан, Қызылорда, Қостанай облыстарында кейбір жерлерде 15-21 м/с жылдамдықпен, жекелеген аудандарда - шаңды дауылмен жел соғуы күтілуде.

Солтүстік Қазақстан облысында кейбір жерлерде тұман түседі.

Қызылорда, Оңтүстік Қазақстан, Шығыс Қазақстан облысының кейбір жерлерінде өрт қауіптілігі жоғары болады деп күтіліп отыр.