92 лицензия, 80 спортшы – Олимпиада ойындарында ел намысын кімдер қорғайды
АСТАНА. KAZINFORM – Бүгін Франция астанасы Париж қаласында өтетін XXXIII жазғы Олимпиада ойындарының алауы тұтануға тура 15 күн қалды. Нақтырақ айтсақ, 26 шілде күні төрткіл дүние көз тігетін төртжылдық дода бастау алады.
Бүгінгі таңда Қазақстан құрамасы аталған ойындарға 25 спорт түрінен 92 жолдама жеңіп алды.
Париж Олимпиадасы — Қазақстанның тәуелсіз ел ретінде қатысқалы отырған сегізінші жазғы Олимпиадасы болмақ. Сондай-ақ, Еуропа құрлығында үшінші рет (Афина, Лондон, Париж) бақ сынайды.
Франция астанасы Париж қаласында өтетін XXXIII жазғы Олимпиада ойындарында жалпы 32 спорт түрінен 329 медаль жиынтығы сарапқа салынады.
Ойындарға әлемнің 205 елінен 10 500 спортшы қатысады деп жоспарланған. 26 шілде күні басталатын дода 11 тамыз күні өз мәресіне жетеді.