АСТАНА. KAZINFORM – Бүгін Франция астанасы Париж қаласында өтетін XXXIII жазғы Олимпиада ойындарының алауы тұтануға тура 15 күн қалды. Нақтырақ айтсақ, 26 шілде күні төрткіл дүние көз тігетін төртжылдық дода бастау алады.
Фото: KTF
Бүгінгі таңда Қазақстан құрамасы аталған ойындарға 25 спорт түрінен 92 жолдама жеңіп алды.
Инфографика: Kazinform
Париж Олимпиадасы — Қазақстанның тәуелсіз ел ретінде қатысқалы отырған сегізінші жазғы Олимпиадасы болмақ. Сондай-ақ, Еуропа құрлығында үшінші рет (Афина, Лондон, Париж) бақ сынайды.
Инфографика: Kazinform
Франция астанасы Париж қаласында өтетін XXXIII жазғы Олимпиада ойындарында жалпы 32 спорт түрінен 329 медаль жиынтығы сарапқа салынады.
Инфографика: Kazinform
Ойындарға әлемнің 205 елінен 10 500 спортшы қатысады деп жоспарланған. 26 шілде күні басталатын дода 11 тамыз күні өз мәресіне жетеді.
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.