«2021 жылы бір көдден сатып алу тәсілі арқылы 2,7 трлн теңгенің 955 мың 301 келісімшарты жасалды. 2022 жылы осы тәсілмен 2,2 трлн теңгенің 274 мың 312 келісімшарты жасалды. 2023 жылдың 9 айында бір көзден сатып алу әдісімен 2,2 трлн теңгенің 151 мың 671 келісімшарты бекітілді», - делінген комитет ұсынған деректе.
Бұл мәліметтен бір көзден сатып алу арқылы жасалатын келісімшарттадың саны 3 жылдың ішінде екі еседей азайғанын көруге болады. Бірақ келісімшарттардың саны азайғанымен сомасы азаймаған. Тіпті биылғы 9 айдың қорытындысы былтырғы 12 айдың көрсеткішіне теңесіп үлгерген.
Комитет 9 айда жалпы сомасы 10,1 трлн теңге болатын 353 мың 111 лотқа камералдық бақылау жүргізген. Яғни, комитет назарына алынған 10,1 теңгенің 2,2 трлн теңгесі бір көзден сатып алынған. Сондай-ақ, камералдық бақылау кезінде 1,1 трлн теңгенің заңсыздығы анықталған.
«Көбінесе бұзушылықтар денсаулық сақтау, білім беру және құрылыс салаларында анықталады. Министрліктер арасында бұзушылықтарды анықтау минималды, өйткені олар сатып алудың негізгі ұйымдастырушылары емес»,- дейді Ішкі мемлекеттік аудит комитеті төрағасының орынбасары Ренад Ахметов.