АСТАНА. ҚазАқпарат - 2014 жылғы 9 айдың қорытындысы бойынша жалпы ішкі өнімнің өсімі 4 пайызды құрады. Бұл туралы бүгін Астанадағы баспасөз мәслихатында ҚР Ұлттық экономика министрлігі Статистика комитетінің төрағасы Әлихан Смайылов мәлім етті.
«Алдын ала есептеулер бойынша биылғы қаңтар-қыркүйекте жалпы ішкі өнімнің өсімі 4,0 пайызды құрады. Бұл болжамды бағалау болып табылады және ол қысқа мерзімді экономикалық көрсеткішке негізделіп отыр», - деді комитет басшысы.
Оның сөзіне қарағанда, жылдың аяғына дейін ЖІӨ деңгейі артады деп болжануда.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.