10.00-де ҚР Экология, геология және табиғи ресурстар министрі Мағзұм Мырзағалиевтің қатысуымен «Қазсушар» РМК саланың дамуына үлес қосқан өкілдері төсбелгімен және министр атынан «Құрмет» грамотасымен марапатталады.
12.30-да ҚР Президенті жанындағы Орталық коммуникациялар қызметінде ҚР Еңбек және халықты әлеуметтік қорғау министрлігі әлеуметтік көмек департаментінің директоры Асқар Ниязов «Ана мен баланы әлеуметтік қолдау туралы» баспасөз мәслихатын өткізеді.
Көрсетілім сілтемелері: Youtube және Facebook
14.30-да ҚР Президенті жанындағы Орталық коммуникациялар қызметінде ҚР Қорғаныс министрінің орынбасары Тимур Дәндібаев «Халықаралық әскери ынтымақтастық және әскери білім» атты баспасөз мәслихатын өткізеді.
Көрсетілім сілтемелері: Youtube және Facebook
15.00-де Нұржол бульварында «Жүрек жылуы» атты жаңа арт-нысан орнатылады.
Оны «Мейірім шуағы» шарасына қатысушылар өз қолымен тоқып, қала тұрғындарына қолөнершілер атынан қолдау белгісі ретінде сыйға тартпақ.
16.00-де ҚР Тұңғыш Президенті – Елбасы кітапханасында корей суретшісі Ли Инамның «Signal of Light» цифрлық өнер көрмесі ашылады.