деп мәлім етті. ҚазАқпарат бұл туралы РБК агенттігіне сілтеме жасап хабарлайды.
Дегенмен ол, қандай жағдай болмасын, қажылықты толық орындамауға болмайтынын, себебі ол «Алланың алдындағы парыз» екенін айтты. Бұл мәлімдемені Хуссейн Фадлалла өз денсаулықтарына алаңдап отырған мұсылман қауымының көптеген сауалдарына және Ливанның Денсаулық сақтау министрлігінің ресми сауалына жауап ретінде жасап отыр.
Дүниежүзілік денсаулық сақтау ұйымының соңғы мәліметтері бойынша, әлемде А (H1N1) тұмауын жұқтырудың 95 мың оқиғасы тіркелген, 429 адам көз жұмған.
Мұхаммад Хуссейн Фадлалла - шиит шейхы, ол «Хезболла» қозғалысының негізін қалаушылардың бірі. Ирактың Эн-Наджаф қаласында ливандық отбасында туған ол, отанына, Ливанға 1952 жылы оралады. Азаматтық соғыс жылдары ол қайырымдылықпен айналысып, балалар үйлерін, мүгедектерге арналған мектептер, медициналық орталықтар, зағиптар мен саңырауларға арналған үш институт ашқан. 1985 жылы өміріне жасалған қастандықтан кейін ол «Хезболладағы» қызметін қалдырып, оның тек рухани жетекшісі болып қалған.