А.Лукашенко: Беларусь елі Ақтөбедегі теракті туралы хабарды зор күйзеліспен қабылдады

АСТАНА. ҚазАқпарат - Мемлекет басшысының атына Беларусь Республикасының Президенті Александр Лукашенкодан көңіл айту жеделхаты келіп түсті, деп хабарлайды Ақорданың баспасөз қызметі.

Жеделхатта Беларусь елінің Ақтөбедегі әскери қызметшілер мен бейбіт тұрғындарды қазаға ұшыратқан террористік акт туралы хабарды зор күйзеліспен қабылдағаны аталып өткен.
«Беларусь терроризмнің кез келген көрінісіне ымырасыз қарсы тұру ісінде достас Қазақстанмен әркез ынтымақтастықта болады», - делінген хатта.
А.Лукашенко Қазақстан Президентіне, қаза болғандардың отбасы мен жақындарына шын ниетпен көңіл айтып, зардап шеккендердің тезірек сауығып кетуіне тілектестігін білдірді.