А.Мамытбеков ҚР Ауыл шаруашылығы министрлігі ұжымына жаңа вице-министрді таныстырды
13:44, 17 Қыркүйек 2011
АСТАНА. 17 қыркүйек. ҚазАқпарат - Қазақстан Республикасы Ауыл шаруашылығы министрі Асылжан Мамытбеков ұжымға жаңа вице-министр Мүслім Өмірияевты таныстырды, деп хабарлады ведомствоның баспасөз қызметі.
Мүслім Өмірияев бұрын «Азық-түлік келісім шарт корпорациясы» ұлттық компаниясы» акционерлік қоғамында басқарма төрағасының орынбасары қызметінде болған.
Бұрынғы ауыл шаруашылығы вице-министрі Сақташ Хасенов Қазақстан Республикасы Ауыл шаруашылығы министрлігінің агроөндірістік кешенінің мемлекеттік инспекция комитетінің төрағасы болып тағайындалды.