Бүгін «Адана Демирспор» ел біріншілігінде «Антальяспор» командасымен кездескен еді.
Қазақстандық футболшы 46-минутта жасыл алаңға шығып, 65-минутта қарсылас команда қақпасын дәл көздеді.
Оған бір командада ойнайтын әріптесі, алжирлік Юсеф Атал пас шығарып берді.
Кездесу барысында «Адана Демирспор» қарсыласына 1:2 есебімен жол берді.
Абат Айымбетов «Адана Демирспор» клубына биыл ақпан айында ауысты.
Келісімшарт 1,5 1 жүйесі негізінде жасалған. Ол түркиялық командада сенегалдық шабуылшы Мбайе Ньянгудің орнын басты.
Абат Айымбетов 1995 жылы 7 тамызда Қызылорда облысы Арал ауданында дүниеге келген.
Футболдағы алғашқы қадамын 2012 жылы «Ақтөбе» командасында бастады. Одан кейін алматылық «Қайрат», елордалық «Астана» клубтарында ойын көрсетті.
Ұлттық құрама сапында 2019 жылдан бері 3 ойын көрсетіп келеді.
«Адана Демирспор» 2021/22 жылғы маусымнан бері Түркия суперлигасында ойын көрсетіп келеді.
Түркия суперлигасының 37-турынан кейін команда 44 ұпаймен он бірінші орында келеді.