ӨСКЕМЕН. ҚазАқпарат – Шығыс Қазақстан облысында Абайдың 175 жылдығына орай өткен интерактивті сабаққа 2000-нан астам оқушы қатысқан, деп хабарлайды ҚазАқпарат.
ШҚО Білім басқармасының мәліметіне сүйенсек, жуықта өңір бойынша 7-ші сынып оқушылары арасында «Асыл сөзді іздесең, Абайды оқы ерінбе...» атты интерактивті сабақ өткізілген. Қазақ және ағылшын тілдеріндегі бұл сабақтың бірінші бөлімі диалогтік алаң форматында болды.
«Оқушылар интерактивті және цифрлық технологияларды қолдану арқылы ұлы ақын шығармаларына негізделген сұрақтарға жауап іздеді. Ал екінші бөлімде онлайн викторина жүргізілді. Жалпы осы шара барысында 2000-нан астам оқушы қамтылды. Мұндағы мақсат – Абай мұрасын өскелең ұрпаққа насихаттау», - дейді басқарма қызметкерлері.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.