ҚР Ішкі істер министрінің бұйрығымен Абай облысы ПД бастығының бірінші орынбасары лауазымына полиция полковнигі Ернар Базаров тағайындалды, деп хабарлайды Kazinform.
Ернар Мейрамбекұлы құқық қорғау органдарында 1998 жылдан бері қызмет етіп келеді. Семей облысының тумасы.
Әр жылдары түрлі басшылық лауазымдарда жұмыс істеді. Соның ішінде Абай облысы құрылғанға дейін Семей қаласының Полиция басқармасын басқарған.
2022 жылы Абай облысы Полиция департаменті бастығының орынбасары болып тағайындалды.
Полиция департаментінің бастығы полиция генерал-майоры Бектөре Сұлтан өзінің бірінші орынбасарына сәттілік тілеп, бірқатар міндет қойды.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.