Абай облысында 1300-ден астам жүргізуші қауіпсіздік белдігін тақпағаны үшін жазаланды

АСТАНА. KAZINFORM — Күн сайын жедел басқару орталығының бейнекамералары жол қозғалысы ережелерінің бұзылуын тіркейді. 

Polisia.kz-тің мәліметінше ең жиі анықталатын құқық бұзудың бірі — қауіпсіздік белдігін тақпай көлік жүргізу.

Жыл басынан бері Абай облысында осы себеппен 1338 жүргізуші әкімшілік жауапкершілікке тартылды.

Статистикаға сәйкес, белдік таққан жүргізушінің аман қалу мүмкіндігі екі есе жоғары. Дегенмен көптеген азамат бұл қарапайым ережені елемей,  өмірін қатерге тігуде.

— ЖБО бейнебақылау жүйесі ереже бұзушылықтарды автоматты түрде анықтап, деректерді жүйеге жібереді, содан кейін жүргізушіге әкімшілік айыппұл салынады. Сонымен қатар жолдарда патрульдік полиция экипаждары қызмет атқарып, жол қозғалысы ережелерінің сақталуын тікелей қадағалауда, — делінген хабарламада.

Айта кетелік Астанада жүк көлігін тізгіндеген 2500-ден астам жүргізуші жазаланды.