Абай облыстық Полиция департаменті Көші-қон қызметі басқармасының басшысы ұсталды. Бұл ақпаратты Сыбайлас жемқорлыққа қарсы іс-қимыл агенттігі растады, деп хабарлайды ҚазАқпарат.
«Оның ұсталғаны туралы ақпарат бар. Мәліметті кейінірек ұсынамыз. Қазір толық анықтама дайындап жатырмыз», - деп мәлім етті Сыбайлас жемқорлыққа қарсы іс-қимыл агенттігінің ресми өкілі Арман Тілеукенов.
Қоса кетсек, бүгін Солтүстік Қазақстан облысы бойынша Сыбайлас жемқорлыққа қарсы қызмет «Аграрлық несие корпорациясы» АҚ облыстық филиалының басшысын ұстағанын жазып едік.
Сонымен қатар бірнеше күн бұрын алаяқтық жасады деген күдікпен Атырау қаласы әкімі аппараты бөлімдерінің бұрынғы басшылары қамауға алынды.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.