НҰР-СҰЛТАН. ҚазАқпарат – Швециялық ABBA квартеті 36 жылдан кейін қайта жиналды. Олар тыңдарман алдына шығып, ең танымал әндерін орындады, деп хабарлайды ҚазАқпарат Euronews сайтына сілтеме жасап.
Нақтырақ айтқанда, Лондондағы ABBA Voyage резиденциясында квартеттің виртуалды аватарлары ән айтады. Резиденцияның ашылуын көппен бірге әншілердің өздері де толық құрамда тамашалады.
«Мен аватарымды сахнадан көргенде, өзімді сол экрандағы жігітке жан бітіргендей сезіндім», - дейді ABBA тобының бұрынғы мүшесі Бьорн Ульвеус.
Қазір квартет мүшелері мен олардың тыңдармандарының жасы да 70-тен асып кеткен. Алайда, виртуалды алаңдағы әншілер 1979 жылғы кейпінде жасалған.
«Бұл ABBA-ның нағыз отбасылық мерекесі болды. Ғажап. Мен мұндай міндетті түрде тағы келемін», - дейді топ жанкүйерлерінің бірі.
Әншілердің виртуалды нұсқасын жасаушылар мейлінше түпнұсқаға жақындату үшін олардың қимыл-қозғалысын айнытпай салған. Ал, цифрлық киімдерін Dolce&Gabbana сән үйі жасап шығыпты.
Гүлнұр Ғазизқызы
Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды.
Ақпарат саласының үздігі.
«ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.