АСТАНА. KAZINFORM – Әбиба Әбужақынова Тәжікстан астанасы Душанбе қаласында дзюдодан өтіп жатқан Grand Slam турнирінде жүлдегерлер қатарынан көрінді.
Қазақстандық дзюдошы 48 келіге дейінгі салмақта қола жүлде үшін бәсекеде өзбекстандық, 20 жастағы Улбусын Хакимовамен татамиге шықты.
Әлемдік рейтингіде 6-орында тұрған Әбиба белдесуді көпке созған жоқ. Қарсыласын иппон әдісімен жеңді.
Бұған дейін Әбужақынова жартылай финалда қытайлық Вене Жуангқа есе жіберген болатын. Ал Жуанг финалда моңғолиялық балуаннан жеңіліп, күміс жүлдені қанағат тұтты.
Айта кетсек, қазақстандық дзюдошы биыл Аустрияның Линц қаласында Гран-при жарысында жеңімпаз атанған еді.
Еске сала кетейік, бұдан бұрын Әбиба Әбужақынованың Grand Slam турнирінде жартылай финалға шыққанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).