ПАРИЖ. KAZINFORM — Франция астанасы Париж қаласында өтіп жатқан Олимпиада ойындарында бүгін дзюдодан ерлер арасында Абылайхан Жұбаназар алғашқы белдесуін өткізді.
Фото: Сали Сабиров
Нәтижесінде 81 келіге дейінгі салмақта ел намысын қорғаған отандасымыз алғашқы белдесуінде Мажарстан балуаны Атилла Унгвариден ұтылып қалды.
Фото: Сали Сабиров
Жалпы, Олимпиада ойындарына Қазақстаннан ерлер арасында бес, әйелдер арасында үш дзюдошы келген болатын.
Фото: Сали Сабиров\ҰОК
Әзірге жарыс жолынан ерлер арасында Данияр Шамшаев пен әйелдер арасында Әбиба Әбужақынова шығып қалған еді.
Фото: Сали Сабиров/ҰОК
Міне, бүгін олардың қатарына Жұбаназар да қосылды.
Фото: Сали Сабиров
Ал 60 келі салмақта Елдос Сметов чемпион танса, Ғұсман Қырғызбаев қола медаль жеңіп алды.
Бүгін әйелдер арасында 63 келіде Эсмигуль Куюлова татамиге шығады.
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.