НҰР-СҰЛТАН. ҚазАқпарат - Қазақстандық боксшы Әбілхан Аманқұл кәсіпқой бокстағы бірінші жекпе-жегін сәтті өткізді, деп хабарлайды ҚазАқпарат тілшісі.
Әбілхан Аманқұл кәсіпқой рингке алғашқы қадамын АҚШ-тың Миннеаполис қаласындағы бокс кешінде бастады. Ол америкалық Девонте Макдональдпен (1-0, 1 КО) қолғап түйістірді.
Орта салмақтағы боксшылар жекпе-жегі төрт раундқа жоспарланған еді. Әбілхан қарсыласын екінші раундта техникалық нокаутқа жіберіп, кездесу мерзімінен бұрын аяқталды.
Осылайша ол кәсіпқой боксқа қадамын жеңіспен бастады.
Әбілхан Аманқұл 1997 жылы дүниеге келген. Әуесқой бокста 2017 жылы әлем чемпионы, Азияның қола жүлдегері атанды.
Бұған дейін Жәнібек Әлімханұлы WBA рейтингінің үздіктер қатарынан шығып қалғанын жазған едік.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.