Зал қызметін бірінші және бизнес-класс санатындағы жолаушылар пайдалана алады. Жаңа зал терминалдың кедендік бақылау аймағының жанында қолайлы орналасқан.
Мұнда қажетті керек-жарақтарымен он душ кабинасы бар, киім үтіктеу қызметтері көрсетіледі. Бұл қызметтер тегін, деп атап өтеді авикомпаниядан. Сондай-ақ жолаушылар кәсіби шаштараздың қызметіне тегін жүгіне алады. Жаңа күту залында жайлы креслолар мен кең экранды теледидарлар орналастырылған. Газет, журнал, кітаптардың түр-түрі бар. Қонақтарға сусын, тіскебасар ұсынылады. Айта кетейік, Etihad Airways әуе компаниясы Астана мен Алматыдан Әбу-Дабиге рейстерді жүзеге асырады.