ҚЫЗЫЛОРДА. ҚазАқпарат - Қызылорданың «Қайсар» командасының бапкерлер құрамы мен ойыншылары Ресейдің Қазан қаласына кетті. Олар футболдан әлем біріншілігі ширек финалындағы Бразилия мен Бельгия арасындағы кездесуді тамашалайтын болады, деп хабарлайды ҚазАқпарат тілшісі.
Облыс әкімдігінің баспасөз қызметінің хабарлауынша, бұл шараға облыс әкімі Қырымбек Көшербаев қолдау білдірген.
Қазіргі таңда «Қайсар» ел біріншілігіндегі турнир кестесінде 19 ұпаймен 6-орында келеді. Олар соңғы турда сырт алаңда Шымкенттің «Ордабасы» клубын 2:1 есебімен тізе бүктірді. Енді олар 14 шілдеде өз алаңында Қостанайдың «Тобыл» клубын қабылдайды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.