деп хабарлайды ҚазАқпарат.
Аттестациялық комиссия өкілдерінің айтуынша, адвокаттық қызмет құқына иелену үшін сынға түсетіндер тестілеу түрінде емтихан тапсырулары тиіс, яғни барлығы 100 сұраққа жауап қайтарулары шарт. Егер үміткер 70-тен астам дұрыс жауаптарды белгілесе, екінші кезеңге өтіп, комиссия мүшелерімен ауызша әңгімелесу тәртібінде сыналатын болады.
Атап айтқанда, үміткер 4 балдан жоғары жинаса, Әділет министрлігі лицензия беру мәселесін шешетін болады.
Тестілеуде конституциялық, қылмыстық, азаматтық құқық, сондай-ақ процессуалдық заңнама, жер және отбасылық қатынастар тұрғысындағы сұрақтар қамтылған.
Аттестация екі кезең бойынша өткізіледі. Бірінші кезеңде, яғни ақпанның 24-і мен 27-сі аралығында Астана қаласының, Ақмола, Қарағанды, Қостанай, Солтүстік Қазақстан, Павлодар, Ақтөбе облыстарының үміткерлері қатысады. Ал қалған облыстардың өкілдеріне аттестация өткізу мерзімі қосымша хабарланатын болады.