«Адрия інжуі» турнирі: Қазақстандық 17 боксшы жігіт жүлдегер атанды

АСТАНА. KAZINFORM — Черногорияның Будва қаласында өткен бокстан «Адрия інжуі» турнирінде қазақстандық ұлдар он жеті медаль жеңіп алды.

Жастар арасындағы әлем кубогы мәртебесіне ие болған жарыс барысында екі алтын, төрт күміс, он бір қола медаль алды.

Халықаралық турнирде Нығман Нығмет (57 келі) және Жасұлан Бердалы (75 келі) жеңімпаз тұғырына көтерілді.

Ал әлем кубогында Алдияр Баһадур (54 келі), Игорь Соловьев (75 келі), Санжар Сейіткамит (92 келі) және Бексұлтан Қайратұлы (92 келіден жоғары) күміс жүлдегер атанды.

Ал қола жүлде Нұрхан Кұмарбеков (48 келі), Бексұлтан Қожамжар (48 келі), Айдос Үсенов (51 келі), Али Мұрат (54 келі), Бауыржан Мұратов (57 келі), Ердәулет Саит (60 келі), Әлихан Әскер (63,5 келі), Мұхит Нұрқабылұлы (63,5 келі), Сұлтан Тұрдалы (67 келі), Бекарыс Нұрмұхан (71 келі) және Бейбарыс Әшірбай (71 келі) сынды боксшыларға бұйырды.

Еске салсақ, «Адрия інжуі» турнирінде қазақстандық қыздар он медаль жеңіп алды.