«Қылмыстық процесс шеңберінде азаматтардың құқықтарын қорғауды арттыру және олардың қауіпсіздігін қамтамасыз ету үшін қорғау актісін енгізу ұсынылады. Қазіргі таңда сот ісін жүргізуге айыптаушы тарап толық қалыптастырған қылмыстық іс келіп түседі. Бұл өз кезегінде судьялардың іс бойынша айыптау бейімділігін қалыптастыруға ықпал етеді.
Сот тараптарға өз мүдделерін қорғау үшін тең мүмкіндіктер мен іс жүргізу белсенділігін қамтамасыз етуі керек екенін ескерсек, қорғаушы тарапқа айыптау актісіне қарама-қарсы болатын құжатты – қорғау актісін сотқа енгізу құқығын беру ұсынылады.
Осылайша, қорғау актісін жасау, оған қорғаушы тарап жинаған дәлелдемелерді қосу мүмкіндігі болады», - деді ол.
Вице-министрдің пайымынша, бұл, біріншіден, судьяның сотталушыға қатысты біржақты пікірін қалыптастыруға кедергі жасайды.
Екіншіден, адвокаттардың, әсіресе мемлекет тағайындайтын адвокаттардың іс жүргізу қызметін өз қорғаушыларының құқықтарын неғұрлым белсенді қорғауға және қорғауға ынталандырады.
«Қорғау актісін енгізу мүмкіндігі прокурордың және адвокаттың сот процесінде тиісті рөлдерді атқару кезіндегі қарсыласу мүмкіндіктерін теңестіреді.
Қорғау актісінде қорғау және айыптау тараптарының дәлелдемелерін, кінәсіздік туралы не кінәсіздіктің аз дәрежедегі мәлімдемелерін, айыпталушының кінәсін ақтайтын не жеңілдететін дәлелдемелер туралы, дәлелдемелерді жинау және бекіту кезінде тергеудің рұқсат етілмеген әдістерін қолдану туралы талдау және басқа да өтініштер көрсетілуі мүмкін.
Қорғау актісі қорғау тарапы айыптау актісімен танысқаннан кейін басты сот талқылауына дейін сотқа енгізіледі.
Бұл ретте қорғау тарапы бас сот талқылауы барысында өтінішхаттарды мәлімдеуде, қорғау актісін толықтыруда не жаңасын жасауда шектелмейді.
Қорғау актісін енгізудің міндетті шарты айыпталушының келісімі болып табылады, ол қорғау актісіне қол қою арқылы көрсетіледі», - деді Алма Мұқанова.