АСТАНА. ҚазАқпарат - Италиялық құтқарушылар Солтүстік Африкадан бірнеше жүздеген мигранттарды тасымалдаған кемеде қаза болған 19 адамның денесін тапты, деп жазады ВВС.
Италиялық БАҚ-тың мәліметінше, олар қозғалтқыштан шыққан түтіннен тұншығып өлген. Кемедегі екі адам ауруханаға жатқызылды.
Маусымда 45 адам осыған ұқсас жағдайда ажал құшқан еді.
Италия билігінің хабарлауынша, өткен жылы Италияның оңтүстігіне 60 мыңнан астам мигрант келіп тоқтаған. 2014 жылдың қортындысы бойынша осы елдің оңтүстігіне келетін заңсыз миграцияның жаңа рекорды орнатылуы мүмкін.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.