Ағаш құлап, жолаушылар пойызы рельстен шығып кетті

АСТАНА. ҚазАқпарат - Германияның оңтүстік-батысында жолаушылар пойызы рельстен шығып кетті. Абырой болғанда, апат салдарынан жолаушылардан ешкім зардап шеккен жоқ.

Таблоид Bild-тің хабарлауынша, оқиға сейсенбі күні түнде Фрайбург-Брайзах теміржол желісінде болған. Пойыз жолға құлаған ағаш салдарынан рельстен шығып кеткен.

Пойызда 120 жолаушы болған, төтенше жағдайдан кейін олар қауіпсіз жерге жеткізілген. 

Фото: © Fotolia / Parallel_dream