Бұл туралы бүгін ЕҚҚДБ бірінші вице-президенті Фил Беннеттің жетекшілігімен жоғары лауазымды делегация барған Алматы қаласында мәлім етілді.
Латвия азаматы Агрис Прейманис Оксфорд университетінің экономика және қаржы докторы дәрежесіне ие. Ол ЕҚҚДБ 2010 жылдан бері жұмыс істейді және 2014 жылдан бері Орталық Азия өңірі бойынша бас экономист лауазымын атқарып келеді. Бұл қызметте жүріп А. Прейманис Алматы қаласына ауыстырылды және Қазақстанның мемлекеттік құрылымдары мен іскерлік ортасындағы ЕҚҚДБ серіктестерімен тығыз байланыс орнатты. Сонымен бірге, ол Қазақстанның шетелдік инвесторлар кеңесінде инновациялық-технологиялық даму және экономиканы әртараптандыру бойынша жұмыс тобының тең төрағасы және операциялар бойынша комитет мүшесі болып табылады.
Өз қызметінде доктор Агрис Прейманис Джанет Хекман ханымды алмастырады. Джанет Хекман Оңтүстік және Шығыс Жерорта теңізі өңірлері бойынша ЕҚҚДБ басқарушы директоры атанды.