Ағымдағы жылдың 9 айындағы инфляция 4,2 пайызды құрады
«Ағымдағы жылдың басынан бері инфляциялық процестердің бәсеңдегені байқалып отыр және инфляция қыркүйекте 0,3, ал жылдың басынан бері 4,2 пайызды құрады. Бәсеңдеудің негізгі факторлары - валюта нарығындағы жағдайдың тұрақтануы, нарықтың инфляциялық күтімдерінің бірқалыптылығы, сондай-ақ азық-түлік тауарларының негізгі түрлері бойынша өнім шығарылымының өсуі. Мәселен, соңғы 3 ай бойы қатарынан азық-түлік тауарларының бағасы төмендеуде», - деді ол.
Бұл ретте, министрдің айтуынша, азық-түлік емес тауарларының бағасы тамызда және қыркүйекте өсе бастаған. Ақылы қызметтер бағасы мен тарифтер де орташа қарқынмен қымбаттауда.
«Осылайша, азық-түлік тауарларының бағасы жылдың басынан бері 3,1, азық-түлік емес тауарларының бағасы - 5,5 және ақылы қызметтер бағасы - 4,3 пайызға өсті. Азық-түлік тауарлары бағасының маусымдық төмендеуіне қарамастан, ағымдағы жылдың басынан бері екі таңбалы өсу пиязға, сәбізге, қызылшаға, қой етіне және сиыр етіне байқалып отыр», - деді Тимур Сүлейменов.
Сонымен қатар, министр дерегінше, бағаның екі таңбалы төмендеуі жұмыртқаға, қарақұмық жармасына, қырыққабатқа, қантқа және күнбағыс майына тіркелді. Бұл өнімдердің азық-түлік тауарлары құрамындағы үлесі 9,1 пайызды құрайды.
«Азық-түлік емес тауарлары бойынша бағаның барынша өсуі дизель отынына, бензинге, сұйытылған газға, маталарға, канцелярия тауарларына, аяқ киімге, қатты отында байқалып отыр», - деді ол.