Баспасөз мәслихаты барысында «Астана» Халықаралық қаржы орталығының басқарушысына жаңа орталықта қанша адамның жұмыс істейтіні туралы сұрақ қойылды.
«Анық түсіндіру үшін бізде бірнеше органның болатынын айтып өткім келеді. Олар - әкімшілік, сот, биржа. Біздің штаттық санымыз - 200 адам болады», - деді Қайрат Келімбетов.
Еске сала кетсек, елордадағы Конгресс холл орталығында Елбасы Нұрсұлтан Назарбаевтың қатысуымен «Астана» халықаралық қаржы орталығының ресми ашылу рәсімі өтті.
Қаржы орталығының ашылу салтанатында Мемлекет басшысы айтулы күнге - ««Астана» Халықаралық қаржы орталығы - Тәуелсіз Қазақстанның жаңа парағы» деп баға берді.